صيف 2002 الساعة 5 بعد العصر
يرن جرس التليفون و ماكنش فيه حد فى البيت غيرى رديت و كانت بوسى صاحبتى الأنتيم من المدرسة تبلغنى انها عرفت نتيجة التنسيق من النت و ان انا و هى اتقبلنا فى كلية فنون جميلة عطارة اسكندرية و طبعا قعدنا نصوت لبعض فى التليفون من الفرحة ...فعلا يا بخت الكلية بينا الصراحة ..و ابه يلا تانى يوم نطينا على الكلية قلنا نشوف المكان اللى حيتشرف و يتعظم بوجودنا لمدة 5 سنين و يومنا كان نتيجة سنة رابعة و يا دوب لسة داخلين لقينا بنت مفزوعة و بتزعق لأنها جايبة جيد فى التراكمى و هيا أصلا بتجيب جيد جدا كل سنة و فورا نزلت تقدم شكوى...تنحت أنا و بوسى ..أه هيا كدة من أولها و روحنا
تانى يوم بوسى اتصلت بيا قالتلى انها حولت ...بنت بتفهم
و بكدة بقيت لوحدى لأن كل أصحابى دخلوا كليات تانية
مها و هند و سارة و هدى كانوا مع بعض فى المدرسة بس هند و مها اللى كانوا اصحاب و كانوا يعرفوا سارة من بعيد و ميعرفوش هدى
رنا دخل معاها من المدرسة بنتين هما سارة و سحر كانت تعرفهم نص نص بس برضه أهو احسن من مفيش
مروة رضا كانت فى مدرسة فى العجمى و دخل معاها دينا مطر و اللى طبعا لسة صاحبتها لحد دلوقتى
ايمان جمال و ايمان حسن دوول بقى موال تانى كانوا فى مدارس فى الامارات و جم يقدموا هنا فخدوا قدرات و سبحان الله ايمان حسن خدت مع ميييين ؟؟؟ مع بشمهندس اسلام اللى بطل يدى قدرات بعدها... و الله الدنيا دى صغيرة
مى ..صراحة معرفش ايه نظامها ايامها و هى مش فاضية دلوقتى علشان أسألها
و بعد كدة يا ولاد جه أول يوم فى المدرسة سورى الكلية و طبعا كان يوم سبت
مها و هند راحوا سوا و نقلوا الجدول و كان يوم السبت و الحد أجازة و الدراسة لسة الاثنين حسب الجدول و مها قالت" ايه البواخة دى ازاى يعنى مفيش محاضرات النهاردة ده اسمه استهتار و تضييع وقت و ايه كل الاجازة دى" ..معلش كلوا ينزل شواكيشه ..دى كانت شوية سخونية و ربنا شفاها بعد كدة الحمد لله
بعد شوية و البت مها و هند قاعدين جم 3 بنات بابتسامة جميلة و حبوا يتعرفوا عليهم يا ترى مين كانوا ال3 بنات دوووول ؟؟
رنا راحت أول يوم و برضه نقلت الجدول و عرفت ان سارة و سحر معاها و بعدين جالها واحد كبير شكله ولى أمر حد و حب يتعرف عليها
ايمان جمال اليوم ده كانت فى تجارة لأن التنسيق وداها هناك بالغلط و فضلت شهرين هناك
ايمان حسن كانت فى المنصورة لأنها كانت طب المنصورة الأول بس مستحملتش تقعد هناك لوحدها و رجعت بعد يومين ...يظهر المنصورة مكنش فيها مكانس
مروة أنا يعنى رحت أول يوم و مكنتش متفائلة علشان صحابى مش معايا و اتعرفت على بنت مؤدبة اسمها ندى و انا بنقل الجدول ...و اتبسطت اوى ..لسة حنبدا يوم الاتنين يا سلام ايه الدلع ده 3 أيام اجازة فى الأسبوع ..شكلى حتبسط فى الكلية دى ده كدة ممكن أحاول أدرس فيزياء فى وقت الفراغ و ابتديت أبنى أحلام و طبعا سرحت
مروة رضا و كان كان يعنى شكلها هادى جم بنات من أولى يتعرفوا عليها و كانت منهم ريم و دى بنت محترمة أوى
نرجع مرجوعنا لموها و هنود ...جلهم 3 بنات من أولى يتعرفوا عليهم و كانوا...........هبة مؤنس و هبة نبيل و وفاء اللى سبحان الله صحابنا دلوقتى و كانوا طيبيين قوى و عرفوهم على الكلية و اسامى المعدين والدكاترة قوم البت مها من من دون الناس كلهم سألت هبة مؤنس الا هوا مين الأول عليكوا ؟؟؟
رنا جه عموا ده اللى عايز يتعرف عليها و قالها انتى فى اعدادى ياشطورة ؟ ألتلوا أه و أنا ابنى كمان معاكوا فى اعدادى " أه يعنى هوا أنا الدادة اللى فى الحضانة و عايزنى أوديه الفصل!!!" فى سرها طبعا...بعد كدة عموا طلع حاجة من جيبه يا ترى طلع ايه !!!!
مروة اللى هوا أنا ...فى قمة السعادة انى حروح البيت و مفيش محاضرات انهاردة " يا سلام يا بت يا ميكا مين قدك كلو فى المدارس و انا أجازة .. أما ألحق أروح عشان عندنا عزومة النهاردة يمكن ماما تحب تحرق.. احم قصدى تشوى صنف و لا اتنين ابقى فى الخدمة برضه و لسة حمشى قبلت أسامة قريبى و كان ساعتها فى سنة تالتة" دفعة مهندس أحمد ممدوح" و برضه ورانى الكلية و كلمنى على الدكاترة و المعيدين اللى حيدونا
رنا توجست خيفة ..حلوة توجست خيفة دى ...يعنى خافت يا مها تلاقيكى بتسألى ..و عموا بيطلع حاجة من جيبه أتارى عموا كان بيطلع صورة ابنه اللى معانا فى الدفعة ...رنا بصتله و اتاكدت انها دخلت حضانة
و بعد كدة كلو روح البيت
يرن جرس التليفون و ماكنش فيه حد فى البيت غيرى رديت و كانت بوسى صاحبتى الأنتيم من المدرسة تبلغنى انها عرفت نتيجة التنسيق من النت و ان انا و هى اتقبلنا فى كلية فنون جميلة عطارة اسكندرية و طبعا قعدنا نصوت لبعض فى التليفون من الفرحة ...فعلا يا بخت الكلية بينا الصراحة ..و ابه يلا تانى يوم نطينا على الكلية قلنا نشوف المكان اللى حيتشرف و يتعظم بوجودنا لمدة 5 سنين و يومنا كان نتيجة سنة رابعة و يا دوب لسة داخلين لقينا بنت مفزوعة و بتزعق لأنها جايبة جيد فى التراكمى و هيا أصلا بتجيب جيد جدا كل سنة و فورا نزلت تقدم شكوى...تنحت أنا و بوسى ..أه هيا كدة من أولها و روحنا
تانى يوم بوسى اتصلت بيا قالتلى انها حولت ...بنت بتفهم
و بكدة بقيت لوحدى لأن كل أصحابى دخلوا كليات تانية
مها و هند و سارة و هدى كانوا مع بعض فى المدرسة بس هند و مها اللى كانوا اصحاب و كانوا يعرفوا سارة من بعيد و ميعرفوش هدى
رنا دخل معاها من المدرسة بنتين هما سارة و سحر كانت تعرفهم نص نص بس برضه أهو احسن من مفيش
مروة رضا كانت فى مدرسة فى العجمى و دخل معاها دينا مطر و اللى طبعا لسة صاحبتها لحد دلوقتى
ايمان جمال و ايمان حسن دوول بقى موال تانى كانوا فى مدارس فى الامارات و جم يقدموا هنا فخدوا قدرات و سبحان الله ايمان حسن خدت مع ميييين ؟؟؟ مع بشمهندس اسلام اللى بطل يدى قدرات بعدها... و الله الدنيا دى صغيرة
مى ..صراحة معرفش ايه نظامها ايامها و هى مش فاضية دلوقتى علشان أسألها
و بعد كدة يا ولاد جه أول يوم فى المدرسة سورى الكلية و طبعا كان يوم سبت
مها و هند راحوا سوا و نقلوا الجدول و كان يوم السبت و الحد أجازة و الدراسة لسة الاثنين حسب الجدول و مها قالت" ايه البواخة دى ازاى يعنى مفيش محاضرات النهاردة ده اسمه استهتار و تضييع وقت و ايه كل الاجازة دى" ..معلش كلوا ينزل شواكيشه ..دى كانت شوية سخونية و ربنا شفاها بعد كدة الحمد لله
بعد شوية و البت مها و هند قاعدين جم 3 بنات بابتسامة جميلة و حبوا يتعرفوا عليهم يا ترى مين كانوا ال3 بنات دوووول ؟؟
رنا راحت أول يوم و برضه نقلت الجدول و عرفت ان سارة و سحر معاها و بعدين جالها واحد كبير شكله ولى أمر حد و حب يتعرف عليها
ايمان جمال اليوم ده كانت فى تجارة لأن التنسيق وداها هناك بالغلط و فضلت شهرين هناك
ايمان حسن كانت فى المنصورة لأنها كانت طب المنصورة الأول بس مستحملتش تقعد هناك لوحدها و رجعت بعد يومين ...يظهر المنصورة مكنش فيها مكانس
مروة أنا يعنى رحت أول يوم و مكنتش متفائلة علشان صحابى مش معايا و اتعرفت على بنت مؤدبة اسمها ندى و انا بنقل الجدول ...و اتبسطت اوى ..لسة حنبدا يوم الاتنين يا سلام ايه الدلع ده 3 أيام اجازة فى الأسبوع ..شكلى حتبسط فى الكلية دى ده كدة ممكن أحاول أدرس فيزياء فى وقت الفراغ و ابتديت أبنى أحلام و طبعا سرحت
مروة رضا و كان كان يعنى شكلها هادى جم بنات من أولى يتعرفوا عليها و كانت منهم ريم و دى بنت محترمة أوى
نرجع مرجوعنا لموها و هنود ...جلهم 3 بنات من أولى يتعرفوا عليهم و كانوا...........هبة مؤنس و هبة نبيل و وفاء اللى سبحان الله صحابنا دلوقتى و كانوا طيبيين قوى و عرفوهم على الكلية و اسامى المعدين والدكاترة قوم البت مها من من دون الناس كلهم سألت هبة مؤنس الا هوا مين الأول عليكوا ؟؟؟
رنا جه عموا ده اللى عايز يتعرف عليها و قالها انتى فى اعدادى ياشطورة ؟ ألتلوا أه و أنا ابنى كمان معاكوا فى اعدادى " أه يعنى هوا أنا الدادة اللى فى الحضانة و عايزنى أوديه الفصل!!!" فى سرها طبعا...بعد كدة عموا طلع حاجة من جيبه يا ترى طلع ايه !!!!
مروة اللى هوا أنا ...فى قمة السعادة انى حروح البيت و مفيش محاضرات انهاردة " يا سلام يا بت يا ميكا مين قدك كلو فى المدارس و انا أجازة .. أما ألحق أروح عشان عندنا عزومة النهاردة يمكن ماما تحب تحرق.. احم قصدى تشوى صنف و لا اتنين ابقى فى الخدمة برضه و لسة حمشى قبلت أسامة قريبى و كان ساعتها فى سنة تالتة" دفعة مهندس أحمد ممدوح" و برضه ورانى الكلية و كلمنى على الدكاترة و المعيدين اللى حيدونا
رنا توجست خيفة ..حلوة توجست خيفة دى ...يعنى خافت يا مها تلاقيكى بتسألى ..و عموا بيطلع حاجة من جيبه أتارى عموا كان بيطلع صورة ابنه اللى معانا فى الدفعة ...رنا بصتله و اتاكدت انها دخلت حضانة
و بعد كدة كلو روح البيت
يوم الاتنين
الدفعة كلها فى اتيليه اتنين تمركز البنات فى الصف اللى على الشمال و الولاد خدوا الوينج اليمين و قعد كل حد جنب أصحابوا و اتعرفت انا على بنتبن و قعدنا سوا ...الأتيليه فى منتهى الدوشة العيال رغايين لسة فاكرين نفسهم فى المدرسة مفيش نضج كلوا بيتكلم استهتار ولا ايه متفهمش ..المهم كنت ساعتها مشغولة فى الكلام مع اللى جنبى
و فى عز كلامنا جه صوت من عند الصبورة أحاول أبص أشوف أى حاجة بس كان صعب كان قدامى حشود بشرية كلهم واقفين زى سد أسوان ...بعد كدة طلع واحد عمال يسكتنا ...الا مين الفلوطة ده اللى طالع يزعق فينا كده ده احنا لسة خرجين مدارس زى بعض ...بعد كدة عرفنا بنفسه و كان بشمهندس هشام و كلنا استغربنا لأن كان شكله صغير ..المهم دخل معاه بشمهندس اسلام و بعدين بشمهندس أكرم و د/وهبة اللى ساعتها كان لسة معيد على حسب ما أذكر يعنى..و بدأوا معانا بالاحترام اللى نستحقه " انتوا تنسوا حاجة اسمها ثانوى و تبطلوا تصرفات عيال المدارس..و القدرات اللى خدتوها ملهاش دعوة باللى حندرسه " طب خدناها ليه ؟؟؟... و اظاهر انهم حبونا من الوهلة الأولى و كانوا متمسكين بينا " اللى مش داخل بمزاجه يحول...و اللى مش قد التعب يحول ..اما بقى اللى خلقه ضيق فده بقى يحول .." و قعدوا يضربولنا فى امثلة ناس حولت من باب التشجيع ..بعد كده قعدوا يهدئوا من روعنا اللى مكانش ثاير أساسا و بدأوا يكلمونا عن نظام الشغل و اننا انشاء الله ضهرنا حيئتب و نظرنا حيضعف و ذاكرتنا دى شئ ذهب مع الريح و عضمنا حيخلع ....تقريبا فيما يعرف بظاهرة الشيخوخة المعمارية المبكرة
و نستعد من دلوقتى لأن أهلنا حيشوكوا فينا لن حتظهر علينا جميع أعراض الادمان" حتاخدوا فلوس كتيير , و عنيكوا حيصيبها الجحوظ ووشكوا حيشحب و يبقى أصفر و حتعدوا معظم الوقت برة البيت " طمنونا طمنونا طمنونا الصراحة
و بعد كدة حبوا برضه يورونا النص الحلو من الموضوع ...و يا ولاد بعد التعب ده كلو و المجهود فمن جد وجد ومن زرع حصد فانتم فى اغلب الأوقات حتعيدوا اللوح ..و اعلى رقم ممكن حد يخدوا بيكون من 2-4 من عشرة و معظم الناس بتاخد بالمينس يعنى اللى يجيب صفر ده يبقى متفوك
و بعد كل الكلام المشجع ده طبعا كلنا كنا فى منتهى السعادة و الانشكاح وفكرة التحويل اتمحت من دماغنا تماما و تحيا مصر و الامن مستتب
و قعدوا بعد كده حوالى ساعة الا ربع يملونا فى طلبات غريبة " شاسيه , قلم سكرو , ألوان أكوريل , طقم براجل, فوطة صفرا, اسطنبة دواير , طقم تحبير , سكوتش , رول ...الخ " و ملونا الأسعار .
و قبل منمشى حذرونا " اوعى نشوف حد فيكوا فى الشارع اللى ورا و متقفوش عند مطير و خلوا بالكوا احنا لينا عنين فى كل حتة و كلنا ساكنين حوالين المنطقة و مش حنسمحلوكوا تبوظوا سمعة الكلية باستهتاركوا"
يااااااااه الواحد تعب من الكتابة بقالى كتيير بكتب على العموم اليوم خلص و عدا
وروحنا
امال ازاى البنات عرفوا بعض؟؟
و ايه انطبعاتهم الأولى ؟؟
الدفعة كلها فى اتيليه اتنين تمركز البنات فى الصف اللى على الشمال و الولاد خدوا الوينج اليمين و قعد كل حد جنب أصحابوا و اتعرفت انا على بنتبن و قعدنا سوا ...الأتيليه فى منتهى الدوشة العيال رغايين لسة فاكرين نفسهم فى المدرسة مفيش نضج كلوا بيتكلم استهتار ولا ايه متفهمش ..المهم كنت ساعتها مشغولة فى الكلام مع اللى جنبى
و فى عز كلامنا جه صوت من عند الصبورة أحاول أبص أشوف أى حاجة بس كان صعب كان قدامى حشود بشرية كلهم واقفين زى سد أسوان ...بعد كدة طلع واحد عمال يسكتنا ...الا مين الفلوطة ده اللى طالع يزعق فينا كده ده احنا لسة خرجين مدارس زى بعض ...بعد كدة عرفنا بنفسه و كان بشمهندس هشام و كلنا استغربنا لأن كان شكله صغير ..المهم دخل معاه بشمهندس اسلام و بعدين بشمهندس أكرم و د/وهبة اللى ساعتها كان لسة معيد على حسب ما أذكر يعنى..و بدأوا معانا بالاحترام اللى نستحقه " انتوا تنسوا حاجة اسمها ثانوى و تبطلوا تصرفات عيال المدارس..و القدرات اللى خدتوها ملهاش دعوة باللى حندرسه " طب خدناها ليه ؟؟؟... و اظاهر انهم حبونا من الوهلة الأولى و كانوا متمسكين بينا " اللى مش داخل بمزاجه يحول...و اللى مش قد التعب يحول ..اما بقى اللى خلقه ضيق فده بقى يحول .." و قعدوا يضربولنا فى امثلة ناس حولت من باب التشجيع ..بعد كده قعدوا يهدئوا من روعنا اللى مكانش ثاير أساسا و بدأوا يكلمونا عن نظام الشغل و اننا انشاء الله ضهرنا حيئتب و نظرنا حيضعف و ذاكرتنا دى شئ ذهب مع الريح و عضمنا حيخلع ....تقريبا فيما يعرف بظاهرة الشيخوخة المعمارية المبكرة
و نستعد من دلوقتى لأن أهلنا حيشوكوا فينا لن حتظهر علينا جميع أعراض الادمان" حتاخدوا فلوس كتيير , و عنيكوا حيصيبها الجحوظ ووشكوا حيشحب و يبقى أصفر و حتعدوا معظم الوقت برة البيت " طمنونا طمنونا طمنونا الصراحة
و بعد كدة حبوا برضه يورونا النص الحلو من الموضوع ...و يا ولاد بعد التعب ده كلو و المجهود فمن جد وجد ومن زرع حصد فانتم فى اغلب الأوقات حتعيدوا اللوح ..و اعلى رقم ممكن حد يخدوا بيكون من 2-4 من عشرة و معظم الناس بتاخد بالمينس يعنى اللى يجيب صفر ده يبقى متفوك
و بعد كل الكلام المشجع ده طبعا كلنا كنا فى منتهى السعادة و الانشكاح وفكرة التحويل اتمحت من دماغنا تماما و تحيا مصر و الامن مستتب
و قعدوا بعد كده حوالى ساعة الا ربع يملونا فى طلبات غريبة " شاسيه , قلم سكرو , ألوان أكوريل , طقم براجل, فوطة صفرا, اسطنبة دواير , طقم تحبير , سكوتش , رول ...الخ " و ملونا الأسعار .
و قبل منمشى حذرونا " اوعى نشوف حد فيكوا فى الشارع اللى ورا و متقفوش عند مطير و خلوا بالكوا احنا لينا عنين فى كل حتة و كلنا ساكنين حوالين المنطقة و مش حنسمحلوكوا تبوظوا سمعة الكلية باستهتاركوا"
يااااااااه الواحد تعب من الكتابة بقالى كتيير بكتب على العموم اليوم خلص و عدا
وروحنا
امال ازاى البنات عرفوا بعض؟؟
و ايه انطبعاتهم الأولى ؟؟
و ايه كانت اعدادى ؟؟
و الستاف عمل فيهم ايه؟؟
كل ده ان شاء الله حنعرفوا لما تكتبوا يا بنات وتشجعونى اكمل
و الستاف عمل فيهم ايه؟؟
كل ده ان شاء الله حنعرفوا لما تكتبوا يا بنات وتشجعونى اكمل
11 comments:
ياه كل ده شيلاه فى قلبك يا مروة
بس حلوة الذكريات لما تفتكريها بصوت عالى مع اصحابك والناس اللى كانوا معاكم
المهم فى الاول قبل متدخلوا الكلية مع ايمان حسن اللى الحمد الله بطلت ادى منظور بعدها ، اديت كمان ايمان جمال ، وطبعا اكيد رنا ، شاطر بقاه ، المهم الثلاثة دخلوا الكلية ، عايزين دعاية بقى
اول يوم ليكم معايا قعدنا طبعا نراقبكم كلكم ونراقب دفعتكم ونقول ايه الدفعة الصغيرة التايهة ديه ده اكيد اعدادى ، وطبعا كنا مرتبيين كل حاجة ومحضريين اللى حنعملوا معاكم
دخلنا يوم الاثين وكان يوم جميل مطلعتهوش شمس طبعا عليكم وبدأت الكلية ، وبدأ معاه سياسة الاصلاح والتهذيب ، و ربنا يكرمه د وهبة كان بصراحة متواصى عليكم
ياه عدت 5 سنين واتخرجتم
يالله كفارة
وعقبال كل سنة
اسلوبك حلو يا مروة
فى انتظار باقى الذكريات
بشمهندس اسلام
يا مرحبا يا مرحبا
و الله و ربنا يعلم فرحانه أوى ان حضرتك معانا و متابع و مشارك
و جميل جدا ان الواحد يسمع الجانب الآخر من الحكاية
و فعلا بيبقى باين أو على الدفعة الاولى فى الكلية لأن بيبقوا لسة بصحتهم و صغيرين و البراءة اللى فى عنيهم و التوهان و مكسوفين يسئلوا
..طبعا دى حاجة عرفتها بعد مكبرت و مبقتش اعدادى
بس صراحة ممكن نطلق عليها سنة الاشتغالات أو عام السذاجة كنتوا بتشتغلونا كتيير قوى و كنا بصدق اى حاجة ..حتى لو قولتولنا فيه أوضة فران تحت كنا حنصدق
على العموم مش ححرق أحداث ..أنا بحرق أكل بس:)
كل المواقف اللى فاكراها حكتبها ان شاء الله و يا ريت تتابع معانا و تحكى معانا علشان نعرف الوجه الآخر من العملة
حلو أوى ان الواحد يفتكر ذكرياته بس الأحلى ان اللى شاركوه ذكرياته يفتكروها معاه
اليومياتين الى فاتوا انا تابعتهم, بس مقدرتش ارد
بس بجد يا مرمر حلة قوى
و انا بقراها مبتسمه
و ماشاء الله عليكى لسه فاكرة بالتفصيل ده
انا ماشاء اللعه عليا, مابفتكرش حاجه خالص
بس انا فاكرة اول يوم ليكم فى الكليه, كنا احنا اجازة(الى هو كان السبت) بس منت متفقه مع هبه ووفاء, اننا نروح الكلية اليوم ده, عشان نتفرج على الكتاكايت- قصدى الدفعه الجديده- ودى كانت نصيحة اتعلمتها من بنت عمتى الى كانت سنتها فى رابعه كبيرة طبعا
و كنت واقفة انا و هبه ووفاء فى شباك الدور الاول جنب التيلية بنتفرج عليكوا و انتم تايهين
بصيت لقيت مها فعلا جايه بتسألنا, هو ده ايه-على الاتليه- وحصل الى حصل
بس كملى يا مرمر
و برافو ومبروك على السلسله دى
بس ابوس ايدك, الاخطاء الملائية
ما شاء اللة يا مروة الحلقة جامدة جدا وعجبانى اوى وعلى فكرة سارة رمضان حنبى وقرتلها اليوميات وفطست على روحها من الضحك وعجبها اسلوبك اوى يا مروة ما شاء الله عليكى منتظرة الحلقة الى جاية بفارغ الصبر وعلى فكرة سارة بتسلم عليكى اوى
salamouh 3alikoum
begad ya mrwa eslubek kal3da bybherny msha2alah 3alyh ....... yahhh fakrtyny be2awel youm kolya we ana nazala we ana a3ada fyh el atelier la2 dah 7ata we enty bet7ky ezay galek natyget el tansy2 fakrtyny ezay gatlly 7asa en fyh sheryten mashyn ma3a ba3d we enty bet7ky we sheryt zekryaty mashy ma3aky
3araf ba2ah ana momken a2olek 3an may ashraf 3asahan tany mara lyh fyh el kolya we ana ry7a ashouf el gadwal awel wa7ada abeltha hya may ashraf we et3raf 3lyha awe 3erft enaha saknah ganb el kolya we kan sa3etha el gadwal lessa met3la2 we bashmohandes hesham howah elly 3al2ouh begad ana mesh 3araf moamken a2olek eih 3ala el e7ssa el gamil elly da7'ltyny fyh aw bem3an adk rag3tyny lyh ....
yala mestanya ba2et el zekryat bas ya ryt mate3melysh zay el tamselyart el moshweka we teshwekyn akatr we aktr we matet27'arysh aktar min keda ma3a en 7ekyet el zekryat dyh bdour fyh makan wa7ed laken kol matee7ky 7aga betrg3yny lezekryty ana kaman la2 we kaman ba3arf 7ekyat tanya begd 7elwa awy yala ana tawelt 3aliky enty elly mafroud te7ky mesh ana :)
سلام عليكم
هبة
وحشتينى جدا فينك يا بنتى؟؟؟ و بقالك مدة مش بتنزلى حاجة فى البلوج بتاعك
طبعا الفكرة دى جاتلى بعد البلوج بتاعك و سلسلة لحظات سعيدة ..لقيت ان احنا كمان عندنا ايام سعيدة نفسى اتكلم عنها
بس انتى و الله زى العسل أكتر حاجة ضحكتنى و انتى بتنصحينى معملش أخطاء املائية و كاتباها الملائية
معلش بس أصلى لازم بكتب الاول على ورق و بعدين اكتب كمبيوترفبكون زهقت صراحة فمبرجعش الكتابة
بعدين خلى بنات افكارك تشتغل و تحاول تعرف الكلمة الصح
وحشانى اوى بجد و نفسى أشوفك قريب و نكرر يوم البحر فى اى وقت صبح او بعد الظهر
بسابيسو
ازيك وحشانى جدا و تحية كبييرة اوى لسارة سلميلى عليها كتير و يلا يا موها احكى معايا اى حاجة فكراها ده اصلا انتى كولك مواقف عسولة زيك
أميرة مدين
وحشانى بجد و الله
مش عارفة أقولك ايه انتى دايما كدة بتحبى تشجعى اللى حواليكى و تعملى
back up
زعلانة اننا مكناش اصحاب من زمان بس الحمد لله اننا بقينا أصحاب
انى احبك فى الله و الله
و يا ريت نرتب معاد و كلنا نتقابل ان شاء الله
سلام عليكم جميعا
و ان شاء الله اول ما أفضى شوية حكتب على طوووووول
هاهاهاهاهاهاهاها
بجد فطستينى من الضحك علياا ن كلمه الملائية
صحيح انا كنت مختفيه شوية بس رجعت اهوه
ان شاء الله ننزل و نتمشى على البحر لحد ما رجليكى توجعك زى المرة الى فاتت
و بالنسبه للبلوج قال ايه يا اختى قلت ادى فرصه للناس تعلق - من كترهم يعنى-
بس انا نزلت موضوع جديد :]
ماشاء الله عليكي يا مروة بترجعينى لكل تفاصيل دخولنا الكلية من اول نتيجة الثانوية العامة لغـــــــــــاية يوم تحكيم الفاينل ياااااة كانو اسرع 5 سنين انت يا مروة تعرفي اني دخلت الكلية بالعافية على اساس اني اجرب و لو معجبتنيش اروح هندسة المنصورة علشان الكلية بصراحة هي كانت في طريقي للمدرسة الثانوية لمدة 3 سنين و متوقعتش ابدا اني ممكن ادخلها و كان اتفاقي مع اسرتي علي هندسة مهما كانت لكن ربنا يكرمه اللي حاول اقناعي بفنون حجميلة خاصة انها عمارة من الاول و مش معنى كدة اني مش بحب شغل فنون جميلة لكنه كان في وجهة نظري هواية مش موضوع دراسة لكن بعد ما دخلت الكلية لقيت الشغل حاجة تانية خــــــــــــــــــــــالــــــص خاصة لما كنا بنرسم دواير فرى هاند عاملة شبه البطاطس على رأى البشمهندس هشام.....هدى
yahhhhhhhhhhh ya marwa te3rfi eni fe3ln la2et nafsi ba3yt we ana ba2ra el zekryat deh 7aseet en snen 3adt fe lam7 el basr we 7aset en 7agat keter 7elwa da3t meni we makontesh 7asa beha kan ahm 7aga eni akhls el kolya el m3fna deh e7na eli be 2edna fe3ln nekhli el ayam 7elwa we nestmt3 beha we be 2edna nekhleha kolaha k2aba we arf we te3adi menena keda ana mosh 7aset en hya 3adt keda we 5 snen 3ado keda gher lama aret kalamak we eftkrt 7agat keter we la7zat keter 7elwa we we7sha ....el mohem en el wa7ed et3lm 7agat keter men el 5 snen dol .......lov u marwa we rabna y7meki we masha'allah 3leki fel ketaba keep goin pls
نجاح باهر! شكرا لك! أردت دائما أن أكتب شيئا في موقعي من هذا القبيل. يمكن لي أن أعتبر جزءا من مشاركتك لبلدي بلوق؟
وستكون هذه صفحة ويب رائع ، كنت قد تكون مهتمة في القيام مقابلة بشأن مدى أنشأته ذلك؟ إذا كان الأمر كذلك البريد الالكتروني لي!
Post a Comment